ယနေ့-၁၃၇၃.ခုနှစ်၊ ၀ါဆိုလပြည့်တော်(၄)ရက်၊ အာဇာနည်နေ့တွင် အမွှာညီအမများဖြစ်ကြသည့် ဒေါ်ခင်စောရွှေ+ဒေါ်ခင်စောဝေ၊ညီအမတို့မှ သီရိလင်္ကာနိုင်ငံ၊ မကုဋာရာမမြန်မာကျောင်းတိုက်ကြီးတွင် သီတင်းသုံးလျက် တက္ကသိုလ်အသီးသီးသို့ တက်ရောက်ပညာသင်ယူနေကြသည့် သံဃာတော်အရှင် (၂၅၀)ကျော်တို့အား (၅၁)ပြည့် ၀ိဇာတမင်္ဂလာမွေးနေ့၊ နေ့ဆွမ်းကို ဆက်ကပ်လှူဒါန်းခဲ့ကြပါသည်၊၊
မွေးနေ့ရှင်များဖြစ်ကြသည့် ဒေါ်ခင်စောရွှေ+ဒေါ်ခင်စောဝေ၊ညီအမတို့သည် ကိုယ်၏ကျန်းမာခြင်း၊ စိတ်၏ကျန်းမာခြင်း၊ ကိုယ်၏ချမ်းသာခြင်း၊ စိတ်၏ချမ်းသာခြင်းတို့နှင့်ပြည့်စုံကြပြီး၊ လောကအကျိုး၊ သာသနာတော်အကျိုးကို ဆထက်တိုး၍သယ်ပိုးဆောင်ရွက် အောင်မြင်ကြပါစေကြောင်း ဆွမ်းအလှူကို တာဝန်ယူ လှူဒါန်းပေးသည့် အရှင်ကေ၀လ(အလင်းစက်)မှ ဆုတောင်းမေတ္တာ ပို့သအပ်ပါသည်၊၊
စွန့်ကြဲပေးကမ်းမှု=ဒါနသည် အမြတ်ဆုံးမင်္ဂလာဖြစ်သည်ဟု "မင်္ဂလသုတ်"တွင် မြတ်စွာဘုရားရှင်ဟောတော်သည့် ဒေသနာတော်အရ မွေးနေ့ရှင်များသည် အမြတ်ဆုံးအလှူကိုပေးလှူကြခြင်းဖြစ်သည့်အတွက် "ဘ၀တွင်လည်း အကောင်းဆုံးအကျိုးတရားနှင့်၊ အမြတ်ဆုံးအဆင့်အတန်းများကို သေခြာပေါက်ရရှိမည်"ဟု ယုံကြည်မိပါသည်၊၊
သီရိလင်္ကာတွင် ပညာသင်ယူနေကြသော သံဃာတော်များမှာ မြန်မာပြည်မှာကဲ့သို့ ဆွမ်းကိုအလွယ်တကူ ရရှိသည်မဟုက်ဘဲ တက္ကသိုလ်အတန်းများအားလပ်ချိန်တွင် ကိုယ်တိုင်ချက်ပြုပ်၍ သင့်သလိုမျှတရသည့် နေရာဖြစ်သည့်အတွက် ဤနေရာမျိုးတွင်အလှူဒါနကို ပြုရသည်မှာသာမန်ထက် မွန်မြတ်သည်ဟု ဦးဇင်းထင်မြင်မိပါသည်၊၊
ယနေ့မွေးနေ့ရှင်များ၏ ဆွမ်းအလှူသည် သံဃာတော်များ၏ ပညာရေးပန်းတိုင်သို့ အားသွန်ခွန်စိုက် အပြေးချီတက်နေချိန်တွင် လမ်းခုလပ်မှ ရေကြည်ရေအေးလေး တစ်ပေါက်မျှကမ်းလင့်သည်နှင့် များစွာတူညီနေပါသည်၊၊
မောပမ်းနေသူအတွက် ရေအေးလေးတစ်ခွက်သည်ပင် များစွာအင်အားကိုဖြစ်စေသကဲ့သို့ပင်၊ ဆွမ်းတစ်နပ်ပင်ဖြစ်သော်လည်း စာသင်သားသံဃာတော်များ၏ စိတ်အားကိုမြှင့်ပေးရာ ရောက်သည့် အတွက် တကယ်ပင်မှတ်တမ်းတင်ထိုက်သည့် ကုသိုလ်ဖြစ်ပါသည်၊၊
သီရိလင်္ကာကဲ့သို့ ဆွမ်းချက်၍ကပ်မည့် မြန်မာလူမျိုးမရှိသော အရပ်ဒေသ၊ နိုင်ငံတွင်သံဃာတော်များနှင့် ရှေးဘ၀ရေစက်ပါသဖြင့် ဆွမ်းဆက်ကပ်ခွင့်ရသည့် မွေးနေ့ရှင်များသည် ဆထက်တိုး၍ချမ်းသာသူများ၊ ကျန်းမာသူများ၊ သာသနာတော်ကိုစောင့်ရှောက်နိုင်သူများဖြစ်ကြပါစေကြောင်း သံဃာတော်အများ၏ကိုယ်စား ဆုမွန်ခြွေအပ်ပါသည်၊၊
အရှင်ကေ၀လ (အလင်းစက်)
မကုဋာရာမမြန်မာကျောင်း၊ သီရိလင်္ကာနိုင်ငံ၊
(၁၉.၇.၂၀၁၁)
