"အလင်းစက် မိသားစုကမ္ဘာ"သို့ အလည်ရောက်လာသူများအားလုံး ယ္ခုနှစ်တွင်ကျရောက်သော မြန်မာနှစ်သစ်ကူးမှသည် အသက်ထက်ဆုံးကျန်းမာ ပျော်ရွှင်ကြပါစေ၊၊

Monday, February 20, 2012

သွေးအလှူဒါန၊၊ ၊၊


ဘာသာတိုင်းတွင် သက်ဆိုင်ရာ ပေးလှူမှုပုံစံများ ရှိကြသည်၊၊ ဗုဒ္ဓဘာသာတွင် ဗုဒ္ဓဘာသာဝင်တို့နေ့စဉ် နှင့်အမျှ ပြုလုပ်နေကြသည့် အလှူဒါနများကို သဘောတူရာစုပေါင်းလိုက်လျင် ငါးမျိုးမျှရှိသည်ဟု အနှစ်ချုပ် ရေတွက်နိုင်ပါသည်၊၊

(၁) ဥစ္စာကိုပေးလှူခြင်း၊
(၂) သား/သမီးကိုပေးလှူခြင်း၊
(၃) မယား/ခင်ပွန်းကိုပေးလှူခြင်း၊
(၄) ကိုယ်မှ အင်္ဂါကြီးငယ်ကိုဖြတ်၍ ပေးလှူခြင်း၊
(၅)  အသက်ကိုပေးလှူခြင်းတို့ ဖြစ်ကြပါသည်၊၊

အထက်တွင်ဖော်ပြထားသည့် အလှူဒါနငါးမျိုးသည် တစ်ဆင့်ခြင်းစီအားဖြင့် ပေးလှူရန်လွယ်ကူမှု၊ ခက်ခဲမှုနှင့်၊ အကျိုးရလာဘ်အားနည်းမှု၊ အားကြီးမှုအားဖြင့် ကွာခြားကြပါသည်၊၊

ဆိုလိုသည်မှာ--
ဥစ္စာအမျိုးမျိုးကို ပေးလှူရန်ခက်ခဲပါသည်၊
ထို့ထက် မိမိရင်မှဖြစ်သည့် သားသမီးကိုပေးလှူရန် ပို၍ခက်ခဲပါသည်၊၊
သားသမီးကိုပေးလှူရန်ထက် ဇနီးမယား/ခင်ပွန်းကိုပေးလှူရန် ပို၍ခက်ခဲပါသည်၊၊
ဇနီး/ခင်ပွန်းကိုပေးလှူရန်ထက် မိမိကိုယ်မှအင်္ဂါကြီးငယ်တစ်ခုခုကိုဖြတ်တောက်၍ပေးလှူရန် ပို၍ခက်ခဲပါသည်၊၊
ကိုယ်မှအင်္ဂါကြီးငယ်တစ်ခုခုကို ပေးလှူရန်ထက် အသက်ကိုပေးလှူရန် အခက်ဆုံးဖြစ်ပါသည်၊၊

ပေးလှူမှုအလှူဒါနငါးမျိုးသည် အဆင့်အတိုင်းခက်ခဲသကဲ့သို အကျိုးကိုရရှိသောအခါတွင်လည်း များ စွာပင်ကွာခြားလှပါသည်၊၊ ကွာခြားပုံများကိုဆက်လက်ဆွေးနွေးတင်ပြပါသည်၊၊
(၁) ဥစ္စာကိုပေးလှူခြင်းသည် အကျိုးကြီးပါသည်၊၊
(၂) ဥစ္စာကိုလှူသည်ထက် သားသ္မီးကိုပေးလှူသည်မှာ ပို၍အကျိုးကြီးပါသည်၊၊
(၃) သားသ္မီးကို ပေးလှူသည်ထက် ဇနီးမယား/လင်သားကိုပေးလှူသည်မှာ ပို၍အကျိုးများပြားသည်၊၊
(၄) လင်သာ/ဇနီးမယားကိုပေးလှူသည်ထက် မိမိတို့၏ခန္ဓာကိုယ်မှ အင်္ဂါကြီးငယ်တစ်ခုခုကိုပေးလှူ သည်မှာ ပို၍အကျိုးကြီးပါသည်၊၊
(၅) ခန္ဓာကိုယ်မှ အင်္ဂါကြီးငယ်တစ်ခုခုကို ပေးလှူရသည်ထက် အသက်ကိုပေးလှူသည်မှာ အမြင့်ဆုံး အကျိုး ရှိပါသည်၊၊

အမှန်စင်စစ် မိမိချွေးနှင့်သွေးနှင့်ရင်းနှီး၍ ရရှိလာသောပစ္စည်းဥစ္စာကို တစ်ပါးသူသို့ပေးအပ်ရန်မှာ လွယ်ကူသည့် အလုပ်မဟုတ်ပေ၊၊ စေတနာနှင့် စိတ်ကောင်းရှိလွန်း၍သာ ပေးလှူနိုင်ကြခြင်း ဖြစ်သည်၊၊ ထို့ကြောင့်ပင် စေတနာအင်အားကိုအလေးထား၍ “ညောင်စေ့လောက်ပေးလှူက၊ ညောင်ပင်ကြီးလောက် အကျိုးရသည်၊”စသည်အားဖြင့် ဆိုထားခြင်းဖြစ်ပါသည်၊၊

ဥစ္စာပစ္စည်းကို ပေးလှူရန်ထက် မိမိတို့၏သွေးသားမှ ပေါင်းစပ်ဖြစ်ပေါ်လာသည့် သားသမီးများကိုပေးလှူရန်မှာ ပို၍ခက်ခဲနေပါသည်၊၊ ပါဠိစာပေကိုလေ့လာကြည့်လျင် ဘုရားအလောင်းတော် ဝေ ဿန္တရာမင်းကြီး၏ သားတော်နှင့် သမီးတော်လေးကိုပေးလှူသည့် သာဓကကိုတွေ့မြင်ရပါမည်၊၊ ဗုဒ္ဓဘာသာဝင်တို့ သတိမထားမိသည့် သားသမီးအလှူတစ်မျိုးမှာ သားသမီးများကို ရှင်ပြုနားသပေးခြင်းများ ဖြစ်ပါသည်၊၊

မိမိတို့၏ သားယောကျာင်္းလေးကိုရှင်ပြုပေးလိုက်ခြင်းသည် မိမိတို့၏ရင်မှဖြစ်သည့် သားကိုသာသနာ တော်သို့ ပေးလှူလိုက်ခြင်းပင် ဖြစ်ပါသည်၊၊ သ္မီးမိန်းကလေးများကို နားသ၍သီလရှင်ပြုပေးလိုက်ခြင်းသည် သာသနာတော်သို့ သမီးမိန်းကလေးများကို ပေးလှူလိုက်ခြင်းဖြစ်ပါသည်၊၊ အကျိုးရရှိမှုအားဖြင့် ဥစ္စာရွှေငွေအကုန် အကျခံ၍ပေးလှူသည်ထက် ချိန်စက်မရအောင်များ ပြားပါသည်၊၊

ဇနီးကို ပေးလှူပုံသာဓကကိုလည်း ဝေဿန္တရာဇာတ်တော်မှာပင် အထင်အရှားအားဖြင့် တွေ့ရပါသည်၊၊ သတိမပြိုမိကြသည့် ဘ၀ကြင်ဖက်ကိုပေးလှူပုံမှာ ဒုလ္လရဟန်းခံ၊ ရှင်ပြုခြင်းများ ဖြစ်ပါသည်၊၊ ခင်ပွန်း သည်လင်ယောကျာင်္းကို ဒုလ္လဘရဟန်းပြုပေးခြင်းသည် သာသနာတော်သို့ ခင်ပွန်းသည်ကို ပေးလှူရာ ရောက်ပါသည်၊၊ ဇနီးအမျိုးကို ဒုလ္လဘသီလရှင်ပြုပေးခြင်းသည်လည်း သာသနာတော်သို့ ဇနီးကိုပေးလှူရာရောက်သည်ဟု မှတ်သားရပါမည်၊၊

ပါဠိစာပေတွင် ဝေဿန္တာမင်းကြီးသည် ဇနီးဖြစ်သူကိုပေးလှူဖူးသည့် သာဓကရှိသော်လည်း အမျိုး သမီးတစ်ဦးဦးက လင်သားကိုပေးလှူဖူးသည့် သာဓကမရှိပါ၊၊ အထက်တွင် တင်ပြဆွေးနွေးထားသည့် ရှင်ပြု၊ ဒုလ္လရဟန်းပြုပေးခြင်းများမှာ သတိမပြုမိနိုင်သည့် ဇနီးသည်များမှ လင်သားကိုပေးလှူမှုများ ပင်ဖြစ်ပါသည်၊၊ 
မြတ်စွာဘုရားရှင် ရောဟိဏီမြစ်ရေကိုအကြောင်းပြု၍ စစ်ပွဲကြီးဖြစ်လုနီးနီးတွင် စစ်ပြေငြိမ်းရေး တရားတော်ဟောကြားသဖြင့် နှစ်ဘက်စစ်တပ်များမှ စစ်သားငါးရာစီရဟန်းပြုလိုက်သောအခါ အားကိုး ရာမဲ့ကျန်ရစ်ခဲ့သည့် အမျိုးသမီးငါးရာတို့၏ဘ၀ကို အလေးထားသဖြင့် သာသနာတော်အတွင်း လင် သားကိုပေးလှူသည်ကို အသိအမှတ်ပြုရပေမည်၊၊ အကျိုးမရေတွက်နိုင်အောင်ပင် ရရှိပါသည်၊၊

မိမိတို့၏ခန္ဓာကိုယ်မှ ခြေလက်၊ မျက်လုံးစသည့် အင်္ဂါကြီးငယ်တစ်ခုခုကိုပေးလှူရန်မှာ ကြင်ဘက်လင်သားနှင့် ဇနီးမယားကိုပေးလှူရန်ထက်ပိုမိုခက်ခဲပြီး၊ အကျိုးများစွာကြီးမားလှပါသည်၊၊ ငါးရာ့ငါးဆယ် ဇာတ်တော်တွင် ဘုရားအလောင်းတော်သည် ဘ၀များစွာလက်ခြေ၊ မျက်လုံးစသည်များကိုပေးလှူခဲ့ဖူး သည်ကို လေ့လာရပါသည်၊၊ ယနေ့ခေတ်တွင်လည်း ထိုကဲ့သို့အင်္ဂါအစိတ်အပိုင်းများကို ခွဲစိတ်၍လှူ ဒါန်းသည်များကို တွေ့ရပါသည်၊၊

နောက်ဆုံးအလှူဒါနပုံစံသည် အသက်ကိုပေးလှူခြင်း ဖြစ်ပါသည်၊၊ သာမန်လူသားတို့အတွက်မူ အသက်ကို ပေးလှူရန်အလွန့်အလွန်ပင် ခက်ခဲပါမည်၊၊ သို့သော်လုံးဝမရှိဟူ၍ကား ပြောဆိုရန်မ၀ံ့ပါ၊၊ အဘယ့်ကြောင့်ဆိုသော် အချို့ပါရမီအားကြီးသည့်သူများသည် ကျောက်ကပ်၊ အသဲစသည်များကို ပေးလှူနေကြသောကြောင့် ဖြစ်ပါသည်၊၊ ထိုအလှူများသည် အသက်ကိုတိုက်ရိုက် ပေးလှူခြင်းမဟုတ် သေးသည့်တိုင် အသက်နှင့်အင်မတန်နီးစပ်ရကား အသက်အလှူဟုပင် တင်စားခေါ်ထိုက်ပါသည်၊၊

မြတ်စွာဘုရားအလောင်းတော်သည် ပါရမီဖြည့်ကျင့်စဉ်ဘ၀များအတွင်း သူတစ်ပါးအတွက်အသက် ပေးလှူသည်ကို သာဓကများစွာဖြင့် တွေ့ရပါသည်၊၊ ထိုကဲ့သို့ အများမပြုနိုင်သည့်အလှူအထူးကို ပြုခဲ့သောကြောင့်ပင် ဘုရားဖြစ်မည့်နောက်ဆုံးဘ၀တွင် အများတကာအိပ်မက်မျှ မမက်နိုင်သည့်စီးစိမ် အထူးများ၊ လှပမှုများ၊ အင်အားကြီးမှုများ၊ ညာဏ်ပညာထက်မျက်မှုများစွာကို ရရှိခြင်းဖြစ်ပါသည်၊၊

ယနေ့ခေတ်တွင် “သွေးလှူခြင်းကို အသက်ကိုပေးလှူသည်ဟု ပြောဆိုရေးသားကြသည်”ကို လေ့လာ ရပါသည်၊၊ သို့သော် မြတ်စွာဘုရားရှင်၏ အဘိဓမ္မာဒေသနာတော်တွင် “အသက်ဟုဆိုအပ်သော ဇီဝိတရုပ် အကြည်ဓာတ်သည် ဗဟိဒ္ဓသန္တာန်တွင်မဖြစ်နိုင်ဟု ဟောတော်မူထားသောကြောင့်၊ ခန္ဓာကိုယ်အတွင်းမှ ပိုက်ဖြင့်ထုတ်ယူထားပြီး၊ ပုလင်းထဲတွင်ရှိနေသောသွေးထဲတွင် မိမိခန္ဓာကိုယ်မှအသက်ပါမ သွားတော့”ရကား သွေးလှူခြင်းကို အသက်ကိုပေးလှူသည်ခေါ်ဆိုရန် မဖြစ်နိုင်တော့ပါ၊၊

သို့သော် ဖော်ပြထားပြီးပေးလှူမှုပုံစံငါးမျိုးတွင် သွေးလှူခြင်းအပါအ၀င် ခန္ဓာကိုယ်မှအစိတ်အပိုင်း တစ်စုံတရာကိုပေးလှူမှုသည် အဆင့်လေးခုမြောက်အလှူဖြစ်ရကား အကျိုးအားဖြင့်ရေတွက်မပြနိုင် တော့လောက်ပင် များရပါသည်၊၊ အစားအသောက်၊ ရွှေငွေရတနာ၊ ယဉ်ကားစသည်အလှူတို့ထက်လည်း အဆမရေတွက်နိုင်အောင်ပင် အကျိုးရရှိမှုသာလွန်ပါသည်၊၊

ပါဠိစာပေတွင် အခြားအလှူဒါနများစွာကို ဖော်ပြထားသော်လည်း ယ္ခုခေတ်ကဲ့သို့ သွေးသီးသန့်ပေး လှူမှုကို ဖော်ပြထားခြင်း မရှိပါ၊၊ သို့သော် မြတ်စွာဘုရားအလောင်းတော်သည် ခန္ဓာကိုယ်မှအသွေး အသား၊ အရိုးအကြော၊ လက်ခြေ၊ ဦးခေါင်းမျက်လုံး မလှူဖူးသည်မရှိဟု ဖော်ပြထားသည်ကား ရှိပါ သည်၊၊ ဤဖော်ပြချက်ကို သုံးသပ်သောအားဖြင့် သွေးအလှူကို မြတ်စွာဘုရားအလောင်းတော်ပြုခဲ့ ဘူးသည်ဟူ၍ မှတ်ယူရန်ဖြစ်ပါသည်၊၊

ဤနေရာတွင် သာဓကဇာတ်ကြောင်းတစ်ခုကို တင်ပြဆွေးနွေးအပ်ပါသည်၊၊
မြတ်စွာဘုရား အလောင်းတော်သည် ပါရမီတော်နုစဉ်က မြောက်ဘ၀တွင် ဖြစ်ခဲ့ဘူးပါသည်၊၊ တစ်နေ့တွင် တောကြီးအတွင်း မတ်စောက်သည့်ကျောက်ကမ်းပါးသို့ကျလုဆဲဆဲ လူတစ်ယောက်ကို တွေ့လိုက်ရပါသည်၊၊ မြောက်မင်းသည် ထိုသူအားနွယ်ကြိုးများဖြင့် ချောက်ကမ်းပါးမှကယ်ဆယ် လိုက်ပါသည်၊၊ အင်အားမမျှသည့်လူကို ကမ်းပါးအမြင့်မှကယ်တင်လိုက်ရသောကြောင့် မြောက်မင်း သည် မောပမ်းရကားလူ၏ပေါင်ကို ခေါင်းခုကာအိပ်မောကျသွားပါသည်၊၊

အိပ်မောကျနေသည့် မြောက်မင်း၏ဦးခေါင်းကို လူမှအနီးရှိကျောက်တုန်းဖြင့်ထုရိုက်ပြီး မြောက်သား စားရန် အားထုတ်ပါတော့သည်၊၊ မြောက်မင်းသည်အသက်မသေဘဲ သစ်ပင်ပေါ်သို့ခုန်တက်လိုက် ပါသည်၊၊ ထိုအခါမှ လူသားသည်နောင်တရပါတော့သည်၊၊ ဤမျှနက်သည့်တောကြီးထဲတွင် သူသည် ဘယ်သို့သွားရမည်မှန်း မသိတော့ချေ၊၊ တောထဲတွင် ချင်္သေ့၊ ကျားစာဖြစ်ပြီး သေရတော့မည်ကို ကြောက်ရွံ့လာပါသည်၊၊
အခြေအနေကိုသိသော မြောက်မင်းသည် လူသားအားသစ်ပင်အမြင့်ပေါ်မှ သူ၏သွေးစက်များအတိုင်း လိုက်ခဲ့ရန် ဟန်အမူအရာဖြင့်သိစေလိုက်ပါသည်၊၊ လူသားသည် သစ်ပင်အမြင့်ကြီးပေါ်မှ မြောက်၏ ဦးခေါင်းမှကျသော သွေးစက်များအတိုင်းလိုက်သွားရာ တောတွင်းမှထွက်သော လမ်းမှန်ပေါ်သို့ ရောက်လာရပါသည်၊၊ 

ကြီးမားသည့် ကျောက်တုန်းဖြင့်ဦးခေါင်းကိုထုခံရပြီး၊ သွေးအလွန်အကျွန်ထွက် နေသောမြောက်မင်းမှာမူ အသက်သေရန်မှတစ်ပါး အခြားမရှိတော့ပါချေ၊၊ 
ဖော်ပြပါဇာတ်လမ်းကို သုံးသပ်ကြည့်လျင် မြောက်မင်း၏သွေးအလှူကို ရေးရေးမျှမြင်သာမည်ဟု မှတ်ထင်မိပါသည်၊၊ ဘုရားအလောင်းတော် မြောက်မင်း၏သွေးအလှူဒါန မှတ်တမ်းတစ်ခု ဖြစ်ပါသည်၊၊ 

အိမ်ထောင်ရှင်မိခင်များအနေဖြင့် သားသ္မီးတို့အား နို့တိုက်ကျွေးခြင်းကိုလည်း သွေးအလှူဟုပင်မှတ် ယူရပါမည်၊၊ သားသမီးများက ကျေးဇူးသိသည်ဖြစ်စေ၊ မသိကြသည်ဖြစ်စေ ကုသိုလ်အကျိုးကား အများပင်ဖြစ်ပါသည်၊၊

အရှင် "သွေးလှူခြင်းစာတမ်း"ကို ရေးသားသည်မှာဤတွင် အတိုင်းအတာတစ်ခုမျှပြည့်စုံပြီဟု ယူဆပါ သည်၊၊ သွေးလှူရှင်များနှင့်၊ ယ္ခုနှစ်အကြိမ်(၅၄၀)မြောက်သွေးလှူပွဲကြီးတွင် အလှူငွေထည့်ဝင်လှူဒါန်းကြသည့် မခင်စံပယ်မောင်၊ မမြသီတာသိန်း၊ မခင်စိုးထက်၊ မခင်သူထက်၊ မောင်ဆန်းထွန်းတို့အား ဂုဏ်ပြုလျက် ယ္ခုစာတမ်းကိုရေးသားခြင်းဖြစ်ပါသည်၊၊

အလှူရှင်များအားလုံးသည် အသက်ရှည်၊ အနာကင်း၊ ကျန်းမာ၊ ချမ်းသာ၊ ပျော်ရွှင်ကြပါစေကြောင်း အရှင် ဆုမွန်ခြွေအပ်ပါသည်၊၊

                                                                     မေတ္တာဖြင့်---
                                                                                        အရှင်ကေ၀လ(အလင်းစက်)
                                                                  
                                                                      (၆.၁.၂၀၁၂)