သာသနာ့မယ်တော်ကြီး ဒေါ်ခင်စောရွှေ,
မင်္ဂလာပါ၊၊
ယ္ခုနှစ်(19/07/2012)တွင်ကျရောက်သော
သာ သ နာ့ ဒါယိ ကာမကြီးဒေါ်ခင်စောရွှေ၏(52)နှစ်ပြည့်aမွးနေ့အ လှူဒါနအဖြစ် ပေးပို့လှူဒါန်းသောအမေရိကန်ဒေါ်လာ(500)၊
သီရိလင်္ကာရူပီးငွေအားဖြင့်(63,306.40)တိတိကို ယနေ့ဘဏ်အကောင့်မှတဆင့် ဦးဇင်းလက်ခံရရှိပါသည်၊၊
ဒါနပြုခြင်းနှင့်ဆက်စပ်၍
ပါဠိတော်များတွင်ဖော်ပြထားသည်များကို အနည်းငယ်မျှအလှူငွေအနုမောဒနာစကား အဖြစ်aရးသား ပေးပို့ပါသည်၊၊
သုတ္တန္တပိဋက၊အင်္ဂုတ္တရနိကာယ်၊တိကနိပါတပါဠိ၊ပဏ္ဍိတသုတ်တွင် အောက်ပါအတိုင်းမြတ်စွာဘုရားရှင်ဟော တော်မူထားသည်ကို တွေ့ရပါသည်၊၊
“တီဏိမာနိ
ဘိက္ခဝေ ပဏ္ဍိတပညတ္တာနိ၊၊
ဒါနံ
ပဏ္ဍိတပညတ္တံ၊
ပဗ္ဗဇ္ဇာ
ပဏ္ဍိတပညတ္တံ၊
မာတာပိတူနံဥပဌာနံ
ပဏ္ဍိတပညတ္တံ၊၊”
လုပ်ငန်းသုံးမျိုးကို ပြုလေ့ရှိသူကိုပညာရှိသူဟု ခေါ်ဆိုရသည်၊၊
“(၁)
ဒါနပြုသူ၊
(၂)
ရှင်ရဟန်းဝတ်သူ၊
(၃)
မိဘကိုလုပ်ကျွေးသူ၊၊”
အထက်တွင်ဖော်ပြထားသည့် ပါဠိတော်အထောက်အထားကိုသုံးသပ်လျင်
မွေးနေ့အထိမ်းအမှတ်အဖြစ် နိုင်ငံ ရပ်ခြား တွင်ပညာသင်ယူနေသည့် မြတ်စွာဘုရားသားတော်သံဃာတော်အား
အလှူငွေလှူဒါန်းမှုဒါနကု သိုလ်နှင့်၊ အခြားသောဒါနကုသိုလ်အမျုမျိုးတို့ကို အမြဲပြုလေ့ရှိသောဒါယိကာမကြီးဒေါ်
ခင်စောရွှေနှင့်မိသားစု ကို မြတ်စွာဘုရားရှင်အလိုတော်အရ“ပညာရှိမိသားစု”ဟူ၍ခေါ်ဆိုရပါမည်၊၊
ဒါနကုသိုလ်ပြုခြင်းသည် ပညာတတ်ရှိသူ၏လက္ခဏာဖြစ်သည်ဟု
မြတ်စွာဘုရားရှင်မှတိကျစွာညွန်ပြထားသည့် ပါဠိတော်သာဓကဖြစ်ပါသည်၊၊
ထိုကဲ့သို့ ဒါနပြုကာမျှနှင့်အဘယ့်ကြောင့်
ပညာရှိသူဟုခေါ်ဆိုရကြောင်းကိုလေ့လာကြည့်သောအခါ ပါဠိတော် တစ်နေရာတွင် “ဒါနကုသိုလ်သည် ဘ၀လွတ်မြောက်ရေးလမ်းစဉ်ဖြစ်သောကြောင့်”ပညာရှိဟုခေါ်ဆိုရသည် ဟု မြတ်စွာဘုရားရှင်ဟောတော်မူထားသည်ကို တွေ့ရပါသည်၊၊
ဤသို့ဆိုလျင်ဒါနသည် အဘယ်မှလွတ်မြောက်ကြောင်းဖြစ်သည်ဟုဆိုလျင်
ဘ၀တွင်အခက်အခဲ အဆင်မပြေ မှုများနှင့်၊ ဘ၀မှလွတ်မြောက်ပြီးနိဗ္ဗာန်ချမ်းသာကိုစံစားနိုင်ခြင်းကို
ဘ၀မှလွတ်မြောက်ခြင်းဟုခေါ်ကြောင်း မှတ် သားရပါသည်၊၊
ဒါနကုသိုလ်ပြုခြင်းဖြင့်
အသက်ရှည်ခြင်း၊ အဆင်းလှပခြင်း၊ညာဏ်ပညာထက်မြက်ခြင်း၊အနာရေဂါကင်းခြင်း၊ အ ဆင့်အတန်းရှိသည့်မျိုးရိုးတွင်လူဖြစ်ရခြင်းစသည့်အကျိုးများကိုမူ
မရေတွက်နိုင်အောင်များပြားသည့်ပါဠိတော်နေ ရာများစွာတွင် မြတ်စွာဘုရားရှင်နှင့်၊ အဂ္ဂသာဝကရဟန္တာကြီးများဟောပြော
ညွန်ပြထားသည်ကို လေ့လာရပါ သည်၊၊
သီလဆောက်တည်၊ ဒါနကုသိုလ်ကိုပြုပြီး၊
ခွဲခွါပြီးသောမိဘဘိုးဘွားများနှင့် ဆွေမျိုးမိတ်ဆွေများကိုအမျှပေးဝေ လျင် မိမိကိုယ်တိုင်လည်းကုသိုလ်တိုးပွားပြီး
အမျှပေးဝေမှုကိုလက်ခံရရှိသည့် ဘိုးဘွားဆွေမျိုးစသူများမှာ လည်း ရောက်ရာဘ၀တွင်ဆင်းရဲခြင်းများမှလွန်မြောက်ပြီး၊
ချမ်းသာသုခကိုခံစားရရှိနိုင်သည်ဟု ပေတ၀တ္ထုပါ ဠိတော်တွင် မြတ်စွာဘုရားရှင်ဟောတော်မူထားပါသည်၊၊
အလှူငွေကိုအလှူခံရရှိသောဦးဇင်းအနေဖြင့်
သာသနာ့ဒါယကာကြီးဦးမောင်မောင်+သာသနာ့ဒါယိကာမ ကြီးဒေါ်ခင်စောရွှေနှင့်မိသားစုများအား
ယ္ခုဘ၀မှာပင်ကိုယ်စိတ်အေးချမ်းပြီး၊ ကျန်းမာခြင်း၊ ချမ်းသာခြင်း များပြည့်စုံကြလျက်
အဆုံးစွန်သောဘ၀တွင်ဗောဓိညာဏ်ကိုရရှိပြီး နိဗ္ဗာန်ချမ်းသာကိုရရှိကြပါစေဟု အနုမောဒ နာဆုတောင်းပေးအပ်ပါသည်၊၊
ယ္ခုသာသနာ့မယ်တော်ကြီး ဒေါ်ခင်စောရွှေ၏
မွေးနေ့အလှူနှင့်အခြားသောပြုခဲ့ဖူးသမျှအလှူအားလုံးအ တွက် ရေစက်ချစာတမ်းလေးကို ရွက်ဆိုပြီးအမျှပေးဝေ၊
ဆုတောင်းပေးလိုက်ပါသည်၊၊
{ရေစက်ချ}
အရှင်မြတ်ဘုရား ဘုရားတပည့်တော်တို့၏မိသားစုသည်
သဒ္ဓါ၊ သီလ၊ စာဂ၊ ပညာ၊ လေးဖြာဓမ္မညီမျှကြ လျက် မြတ်စွာဘုရားရှင်၏သာသနာတော်တွင် ပရိယတ္တစာပေတာဝန်ကိုထမ်းဆောင်လျက်
ပညာသင်ယူလျက် ရှိသော အရှင်ဘုရားအားအလှူငွေများကို စေတနာဖွေးဖြူပေးအပ်လှူဒါန်းကြပါကုန်၏အရှင်မြတ်ဘုရား၊၊
ဓမ္မဒါနစာအုပ်ရိုက်နှိပ်လှူဒါန်းခြင်းနှင့်အခြားသော
အလှူဒါနကုသိုလ်များကိုလည်း သဒ္ဓါကြည်ဖြူပေးလှူကြပါ ကုန်၏အရှင်မြတ်ဘုရား၊၊
ဤကဲ့သို့ပေးလှူရသော ကုသိုလ်စေတနာများကြောင့်
ဘုရားတပည့်တော်တို့၏မိသားစုသည် ဘေးရန် ကင်းဝေးခြင်း၊ ကျန်းမာခြင်း၊ ချမ်းသာခြင်းများနှင့်ပြည့်စုံရရှိပြီးလျင်၊
အရိယာအရှင်မြတ်များသိတော်မူကြသည့် သစ္စာလေးပါးမြတ်တရားများကိုသိရှိပြီး၊ မဟာသန္တိသုခ
ချမ်းသာအစစ်ဖြစ်သောနိဗ္ဗာန်ကို ရရှိစံစားရပါစေသား အရှင်မြတ်ဘုရား၊၊
ဘုရားတပည့်တော်တို့မိသားစု၏
ပြုပြုသမျှကောင်းမှုကုသိုလ်များ၏အကျိုးများကို ကွယ်လွန်ကြပြီးသောမိဘ ဘိုးဘွားများနှင့်
ဆွေမျိုးညာတိအပေါင်းအားအမျှပေးဝေပါ၏အရှင်မြတ်ဘုရား၊၊
ကွယ်လွန်ကြပြီးသော အနန္တကျေးဇူးရှင်မိဘဘိုးဘွားများနှင့်
ဆွေမျိုးညာတိများမှအစပြု၍၊ သုံးဆယ့်တစ်ဘုံ၊ အနန္တစကြာဝဠာတွင်ကျင်လည်ကြကုန်သော ဝေနေယျသုခိတ၊
ဒုက္ခိတသတ္တ၀ါအများတို့သည် ဘုရား တပည့်တော်တို့မိသားစုမှပေးဝေသော ကုသိုလ်အမျှကိုရရှိကြလျက်
ကိုယ်စိတ်နှစ်ဖြာကျန်းမာ ချမ်းသာကြ သည် ဖြစ်ကြပါစေသောဝ်၊၊
အမျှ၊
အမျှ၊ အမျှယူတော်မူကြပါကုန်လော!
သာဓု၊ သာဓု၊
သာဓု၊၊ ၊၊
သာသနာ့ဒါယိကာမကြီး ဒေါ်ခင်စောရွှေနှင့်မိသားစု၊ ဆွေမျိုးများအားလုံးကိုယ်စိတ်
အေးချမ်း၊ သာယာကြပါစေ၊၊ ၊၊
